5月個陣HK Express 大平賣，買到平機票 $1000連稅，向台中出發~~~
台北就去過好幾次，台中反而第一次去，所以無咩idea要去咩地方.....
努力咁睇左幾本旅遊書之後，有大約ge行程夾埋個fd想去的地方，準備行程&酒店正式開始
首先講下機票，因為要平，所以坐夜機出發，下晝機返黎
所以實際都係玩4日左右，之前都聽過話台中無咩玩，所以諗住4日都夠.....
但個trip完左之後，真係覺得唔夠........如果可以玩多兩日會更好~~haha
為左唔好哂左第一晚，所以諗左好耐應該住係逢甲附近定台中車站附近
後來諗諗下，計返時間返到酒店shuttle down都可能已經11pm......去夜市都唔知有咩行
最後決定住台中車站，仲可以方便第二朝一早上清境
我地最後就Book 左達欣商務精品飯店，係正車站附近，十分方便
經過一輪格價，Booking,com 最抵，TWD 1866雙人房一晚，包早餐
我地只係訓一晚，所以都無咩要求，其實本來有諗過新驛，因為係台北住過幾好
不過因為新驛係後站個邊，為左近第二朝上清境唔洗咁辛苦，最後都係住前站附近
Booking.com 好處就係唔洗即刻俾錢，係當晚入住先俾錢ge，用當地貨幣結算
達欣商務精品飯店:
http:www.plazahotel.com.tw/
第二晚stay清境，係揀得最辛苦
因為花多眼亂，都唔知揀邊間好!!!!!
首先，我地要求已經係諗住要有露台ge，因為想睇星星同日出
之後又諗，要住高d係近青青草原好定近Old England好(因為Plan左去tea)
真係諗到頭都爆，最後揀淨春大地景觀渡假山莊，日光青境，清境凡賽斯民宿，各有好處
1. 春大地景觀渡假山莊，係Old England 隔離，睇相見到個露台同長梳妝台已經好鐘意
2. 日光青境，露台2人房夠平，裝修外觀係比較現代民宿
3. 清境凡賽斯民宿，英式的裝修，睇相覺得好靚好吸引，但位置比較唔方便
係3個間各有好處的情況下，我地用左最懶ge方法去決定，就係做booking邊間方便
春大地景觀渡假山莊可以係agoda book，但日光青境同清境凡賽斯民宿都要自己過數
所以最後揀左春大地景觀渡假山莊！！！經Agoda book左一晚的蜜月套房, HKD 833，包早餐
都唔算話好貴，如果唔要露台房其實仲平d，不過露台係我地的重點~~~
春大地景觀渡假山莊:
http://springground.cingjing.tw/
日光青境:
http://www.sunnydale.idv.tw/
清境凡賽斯民宿:
http://www.vanse.com.tw/
第三四晚，因為已經諗住要去逢甲行街ge，同埋考慮已經去到第三日應該會攰
所以決定stay同一間酒店，執行李係好痛苦..............
逢甲附近好多hotel ge choice，我地都係各大booking website 到search
平靚正地book左KUN Hotel，係比較新的商旅咁，但就唔算係正逢甲夜市ge
行去夜市大約都要5~10 mins，但KUN Hotel 係平過碧根行館好多
所以最後就揀左佢，用左Expedia discount code, 兩晚雙人房 $ 1195，包早餐
就咁計返，機票酒店加埋1人大約$2300左右，雖然未必係最平最抵
但旅行最緊要就開心，within budget 就ok la~~~
除左機票酒店，plan 行程都用左唔少時間，不過我個人就比較free style d ge
通常都係諗個大約ge plan，到時再執生~~~ 台中plan 行程是煩就係坐車
始終因為無捷運，所以坐車都要公車的士，所以出發前先google map左
同埋download 左個台中公車app，咁就可以預到大約路線同時間
清境共乘車，都係出發前book定ge，上網search 就可以有好多資料
我最後係睇返春大地個website，有介紹共乘車聯絡
Send email 就可以問到價錢，上落車地方等等，價錢大約TWD350~500一位
係比坐公車貴ga la，不過真係方便舒服同快好多，係台中車站出發到清境民宿大約90mins
所以lee d 錢都係唔好慳，Book左小黑共乘車， TWD 350一位
台中 - 清境~~上車地方就係我地住的達欣商務精品飯店，指定清境民宿落車
台中 - 清境~~ 清境民宿上車，落車可以指定地方例如逢甲夜市ge酒店，都係TWD 350一位
其實返台中車站就平d, TWD 300一位，不過我地之後係stay 逢甲，所以俾多TWD 50 la
最後就係錢啦！！！之前係台北都係去到禁ATM，因為個rate 好好多
雖然都有擔心台中唔知得唔得，但點都準備左先
預先開通海外提款function，到時去到台中搵銀聯 Atm就可以
經過各種準備，台中5天，正式出發~~~~~~~~~
