新年期間，外出走走，澳門一日遊
係完全無plan的一日，玩即興吧~~
一早去到上環信德買平平單程船飛過大海，回程再係澳門買
落船入境個陣真係超樣衰，諗住整澳門個個e道，方便過關
點知人地個個都得.....係我整唔到，仲要整到人地部電影hang機.........極度樣衰
第一站先坐Shuttle bus 去新濠天地，超級outdated的我，都係第一次去
本身想睇個個龍騰show....點知原來要俾錢......決定放棄
離開新濠天地後，搵shuttle bus 去左十六浦，友人帶我去行下MJ Gallery
同樣我都係第一次去......俾門口個隻狼人嚇親我law=.=
Lunch time 先去搵食，第一站去到祥記麵家，好彩今日有開門ja
之前兩次黎澳門，我都好好彩地，撞正佢休息食唔到今次終於食到了
 |
| 蝦子麵 |
 |
| 炸鯪魚球 |
 |
| 魚皮 |
蝦子麵，我反而覺得黃枝記好食d，但一場黎到當然要試下
炸鯪魚球就好好味，最特別個魚皮，如果唔係友人識order，我真係miss左lee個正野
唔同香港食開個d炸魚皮，lee個係好似食緊Jelly咁，仲要完全無腥味，超特別
半飽的情況下先去最香買杏仁餅，之後再醫肚
可惜肉心杏仁餅已經賣哂~~真係好好味ga，自從食過最香之後，真係覺得鉅記一d都唔好食
最香的杏仁餅係食到好香濃的杏仁味同有一粒粒的杏仁，反而鉅記我就覺得係用杏仁香油
無肉心杏仁餅，唯有就買棋子餅啦，一樣好好味ga
 |
| 最香餅家 |
到達十用初五街，繼續搵食，新年期間都有唔少食市已經啟市，好彩有得食
友人推介，榮記豆腐麵食，吃美味豆腐花
 |
| 豆腐花 |
自小係公和食豆腐花，都係要一邊食一邊落黃糖
但lee碗豆腐花完全唔需要，夠甜又夠滑，$6.5一碗真係超值
另外我見到佢有豆腐麵，相信應該都唔差，今次又搵到另一個好味的地方
食飽後，四圍走走，向大三巴進發.......沿途又看到另一番的風景
行下行下，黎到戀愛巷，第一次到訪的地方
 |
| 戀愛巷下的大三巴 |
沿途見到未見過的風景，不同角度下的景色，旅行中的樂趣
由於要買回程船飛，所以坐shuttle bus返去威尼斯人，超好彩，$110有頭等坐
係威尼斯人一定要去行Character King，因為好多得意野，同埋好平！！！
友人話想食葡撻，所以行左去瑪嘉烈蛋撻店，超級多人，排哂大隊
真心地覺得香港KFC仲好食，同埋唔知係咪唔係總店的關係，所以真係mama地
但係瑪嘉烈買左一盒手工曲奇，反而幾好味wor~下次可以再買
 |
| 瑪嘉烈葡撻 |
返回議事亭, 諗住食葡國餐, 後來發現時間唔太夠, 決定掃街!!!
食左好多野, 超級飽, 有雪糕, 大大雞排, 蝦捲, 豬排飽~~~
雪糕來自Lemoncello Gelato，有多種口味例如金莎朱古力，莫加咖啡，美國果仁等等等
太多款......我揀左好耐>.<，好好味的，值得推介
最好笑反而係去到澳門竟然走左食豪大大雞排.....哈哈.......大雞排係豬排包食ga
大雞排其實就無咩特別，反而佢有個蝦卷好好味的，有驚喜~~~~
 |
| 晚上的另一面 |
 |
| 2014 馬年限定~hehe |
買完手信同食飽飽就要趕船返香港啦~~
澳門Bye Bye
祥記麵家: 新馬路福隆新街68號地下
最香餅家: 新馬路夜呣街12號B地下A座
榮記荳腐麵食: 新馬路果欄街47號地下
檸檬車露: 新馬路大堂巷11號地下
