Lunch @ Exp

係打風的一天，來到又一城的Exp吃一個Sunday Lunch

12點左右去到，唔洗點等位就可以入坐了~~

食物意外地大份，墨魚麵不錯，悠閒的一餐

軟殼蟹紙米卷

蟹籽帶子墨魚麵

滑蛋豬排飯

EXP: 九龍塘達之路80號又一城UG層23號舖

四人之旅@TW 14092013 - 16092013 @ Day 3

最後一日啦，時間過得真係快

一早執好行李，check out 後就出發去今次行程最期待的上引水產

我地由台北車站坐的士去，都唔係好貴，方便的一程

10.30am左右去到，無想像中咁多人，立食區只係等左15mins就有啦，lucky

場內大部份都係香港人，周圍都係講廣東話~~haha

Order 左一個刺身set，一個壽司set

前菜沙律

味噌湯

刺身Set

Toro 刺身

壽司Set

非常豪同埋滿足的早餐，刺身好鮮甜新鮮，係個蟹就差左少少

Toro入口即融，超正，壽司都好好味

大滿足呀！！！！每人都唔洗$200港紙，好抵呀


之後返返去台北車站買手信同食少少野，加入左即興的驚喜行程~~咖啡弄

本來就無plan過要去咖啡弄的，但見有時間決定去試一試，係香港排隊排到顛ga ma

店員非常好人(仲好靚仔)，叫我地先去附近行下先30mins後再返黎，半個鐘抵等啦

Coffee Alley

提拉米蘇咖啡

海鹽焦糖拿鐵

冰抹茶歐蕾

葵瓜子芝麻冰淇淋鬆餅

御茶之水棉花糖冰淇淋

一上菜已經知道點解咖啡弄要大排長龍，先講外觀已經好吸引，味道一流呀！！！

提拉米蘇咖啡，一望覺得好似好甜，但飲落完全唔係，而且非常有咖啡味

海鹽焦糖拿鐵，少少的咸味，非常特別

冰抹茶歐蕾，好滑滑的口感

御茶之水棉花糖冰淇淋真係嘩一聲，好大個棉花糖，一淋咖啡即融，超級特別

葵瓜子芝麻冰淇淋鬆餅，鬆餅脆脆的，配上芝麻雪糕及栗子蓉

咖啡弄真係一試難忘呀~~~

最後一日係味覺大滿足一天


帶著大大的滿足，向機場出發，離開台北

最後上機前都大食一餐，估唔到機場food court都咁好味又大份，超抵

一個定食set，有炸物，有水餃，有酸辣湯~~~點解香港機場唔可以有d又平又好味的野食呢


三日的台北飲食之旅結束，期待下一次的旅行



上引水產: 台北市民族東路410巷2弄18號

咖啡弄站前店: 台北市中正區館前路18號２樓

四人之旅@TW 14092013 - 16092013 @ Day 2

休息一晚，第二日行程開始

首先check out，移動去三號館~~放低行李就出發去第一站，食早餐！！！


第一餐就係去阜杭豆漿，去到已經排哂長龍，好彩唔洗排好耐

我地叫左幾樣野食share，真係好好味，好特別

蘿蔔絲餅

薄餅油條

厚餅夾蛋

三款都係好特別的早餐，係香港完全食唔到

蘿蔔絲餅同香港食個d好唔同，入面係有炸菜做餡，而且蘿蔔真係一絲絲的，好好味

薄餅油條，厚餅夾蛋係招牌菜，個個都點的，外皮都係脆脆的，配搭又特別，正！！

好彩係share食，因為一個夾餅已經好大件好飽~~~~食太飽食唔落下一餐....哈哈哈


之後繼續我地搵食之旅—杏子豬排

因為怕多人要排隊，所以早左去到，但又太飽食唔落，所以變左係阪急走圍行行行

阪急又行得幾舒服，咁岩又減緊價，所以都幾抵買~~再返去杏子豬排個陣已經要等位...

最終都係等左半個鐘到，但真係值得的！！！！

等開餐！！

吉烈必備椰菜絲

起司豬排

炸大明蝦套餐

五穀米飯

TORO 里肌肉套餐

椰菜絲配柚子汁，口感好清新，好新鮮

各款吉烈都超有驚喜~~~起司豬排，個芝士好好味，同豬排一齊融化一樣

炸大明蝦，上臺已經嘩一聲，因為無諗過咁大隻，食落鮮甜彈牙

里肌肉切開已經見到肉ge紋理，係有少少肥，但食落好好味，好腍的，入口即融

杏子豬排的吉烈，食落都係好鬆化的，而且保留到肉汁，食落好juice

雖然成餐都係炸物，但又唔會好膩覺得好熱氣，真係超好味，食完勁滿足

價錢平過香港多，可以係香港絕對搵唔到一間咁超值的吉烈專門店！！！


由於早午餐都食得好飽......所以係百貨公司周圍行同hea........

本來下一站想去拜訪三眼仔coffee.....我地係車站問職員應該點去ge時候......

佢地話俾我地聽......已經無左啦..............well都算係好彩ge，好過我地去到先發現無

我地決定去食Honey Toast~~~揀左跳舞香水~~~因為之前係其他blog到見過都唔錯，所以一試

位於Sogo地庫......同樣大排長龍.....等左30mins

加入標題

各款Honey Toast

我地order左一個Honey Toast，每人一杯野飲

蓁尼寶貝

焦糖瑪琪朵

Honey Toast又無想像中咁特別，但唔係話難食ge，不過就應該唔再黎lee間

咖啡反而唔錯，提神提神~~


行左一陣地下街之後，向師大夜市出發！！

去到其實有d失望.......無咩特別野食，主要賣衫，飾品為主.....

行得唔舒服，左穿右插的路，極不推介此夜市


是日晚餐，我地係外賣KFC+便利店關東煮+啤酒返酒店開大餐!!!!!

都係一個特別的回憶呢

今日好攰呀.........明天就係最後一日係台北啦


阜杭豆漿：北市忠孝東路一段108號2樓之28 (華山市場2樓) 善導寺站5號出口

杏子豬排(阪急店)：台北市忠孝東路五段8號B2

跳舞香水 (台北) SOGO復興店:台北市忠孝東路三段300號B3(SOGO復興館)

四人之旅@TW 14092013 - 16092013 @ Day 1

2013年最期待的，就係4人的台灣之旅，終於可以聚埋一齊出發

平時想4個人同時係香港出現已經係一件超難ge事，今次真係好難得

先講機票，選擇了香港航空，原因一個字：平，$1300來回連稅，早去晚返

住宿方面，係台北新驛旅館的家庭房，4個人可以住埋一齊

我地係官方網頁自己訂房的，大約係6月個陣book，由於家庭房數量不多，唔早d book就無

今次分別book左一晚二號館，一晚三號館，好彩只係隔離都唔會好麻煩

價錢方面，每人兩晚大約五百，所以機票同酒店一人唔洗2千已經搞掂！！

懷著興奮心情，拋下香港的煩事出發！！！

係機場食左個豐富早餐後，就開始我地ge台灣之旅

友人的味千，好飽

第一次坐香港航空，出發之前唯一驚ge野就係delay......因為佢出哂名

上機後好彩都無勁delay，都係遲左少少出發

停機坪係底層，我地都係第一次落去，要轉shuttle bus先可以上機

Goodbye, HK

落車個陣仲係飛機前影左出發合相，真係唔係成日都有機會可以咁影相呢

竟然有Popcorn，陪左我成程機

搭完lee程機之後真係有d驚.......起飛可以突然加速......landing可以好似用個起落架撞落地

雖然遲左起飛，但竟然可以係預計時間到埗.......真係勁


與早一日到達台灣的友人在機場會合後，正式向台北出發！！！

上左國光巴士，坐左大約一個鐘就係台北車站落車，之後再行去新驛

二及三號館距離台北車站都有d遠，所以岩岩去到行過去有d辛苦，加上無諗過9月中都仲咁熱

好彩係旅館對面有KFC同埋康是美，食野買野都好方便

旅館lobby個層有自助汽水，飲品吧，休息一下後正式向第一個景點出發！！！


第一站要去的，十分放天燈~~~

由於要趕台鐵，所以買左便當係火車食，估唔到又幾好味又大份

我最鐘意台灣的火車係有劃位，可以坐得舒舒服服，不過上車時竟然發現...............

我地4個人並唔係係同一個車卡...........2個人係3號，2個人係5號，唯有暫時分開

沿途經過一個車站，有個地方叫"暖暖"

我地先去到瑞芳站之後再轉車去到十分站，可撞能正係星期六，超級多人......企足咁多個站

十分車站

許願竹

路軌

最重要當然係放天燈啦，其實路軌的兩傍已經有好多鋪頭

間間都差不多價錢ga la，有純色天燈或四色天燈，每種色代表祈求唔同願望，四色就貴少少

我地最後都係揀左個純色就夠了，寫左一堆令人笑死的願望，有現實版同超現實版

一聚埋就變左成班 lowb 仔，講句野都可以笑死~~

天燈飛走了

希望我地願望都可以一一實現，大家生活美滿啦


去完郊外真係好累，已經完全放電.......

第一晚的晚餐係台北車站的微風廣場解決

微風廣場真係好多野，有各式唔同餐廳，又有Food Court，總會搵到一間可以醫肚

我地就揀左AUNT STELLA'S，係食意粉，三文治，窩夫等等

由於太餓..........所以無影到相，但都幾好食ge，又坐得舒服

最好笑係個staff知我地係香港人之後，同我地講英文......莫非我地d普通話太爛........哈哈哈

不過佢地 ge service 真係唔錯，滿意的一餐

第一日就咁結束lu，養足精神明天再出發！！！



台北新驛旅館： http://gocityinn.com/

AUNT STELLA'S: 100 台北市中正區北平西路3號(台北火車站2F)

AUNT STELLA'S: http://www.auntstella.com/menu

奶皇月餅@煤氣烹飪中心

友人報左名去煤氣烹飪中心學整奶皇月餅，本來我就唔去ge

點知其中一個朋友去唔到，結果我頂上......哈哈哈

上年係二德惠學過，所以基本都知點整，煤氣烹飪中心上堂都係第一次

當然煤氣烹飪中心一堂都比二德惠貴好多，但上完堂就覺得係值得的

中心係利舞臺，由於開頭唔識去.....結果遲到..........去到已經上緊堂

課室地方光猛，乾淨，舒服，每個人可以用一個大table位，唔洗好似出面d教室咁同其他人迫

爐具，焗爐可以一人用一個，自己焗月餅個陣可以清楚望到，控制都容易d

淨係地方已經好滿意，Miss 上堂講解得好清楚，一路整個陣又會周圍巡幫下d同學

因為我本身都學過，所以都幾enjoy，不過友人就第一次整有d雞手鴨腳，好好笑

新鮮出爐

課程包八個奶皇月餅，另外Miss每人送左一個紅豆

近鏡花紋比較明顯

成個過程完全令我諗起以前中學上家政堂，真係好搞笑

比起二德惠，煤氣公司個食譜係好食好多，如果真係要學整，真係俾多少少去煤氣烹飪中心la


煤氣烹飪中心: http://www.towngascooking.com/chi/index.asp

Drink @ Tapas Bar

係尖東食完飯，近近地行到香格里拉的Tapas Bar

之前都無留意到，今次就去試下，環境尚可，但價錢真係好超值！！

Tapas Bar: 尖沙咀麼地道64號九龍香格里拉大酒店大堂

Dinner@Rice Paper

工作一天，來到又一城Rice Paper的晚上

出乎意外地大份，食唔哂

柚子沙律同想像中有一定的出入，食落尚算清新，但唔會想食完再食

併盤不錯，軟殼蟹好好味，米紙卷都幾特別

蒜蓉牛油雞翼，好大隻，好飽

金邊粉夠乾身，Like

柚子沙律

併盤

蒜蓉牛油雞翼

金邊粉

Rice Paper: 九龍塘達之路80號又一城L1層20號舖