今日終於成團出發！！！
本來想買返之前中旅社個隻送鳳凰卷package，點知發現已經加價.....
好彩同事識人係中旅社到做，買到平少少的即日來回船飛！！時間仲好好多
一早就去到中港城，食個麥當當早餐後就上船出發過大海！！！
行程主要靠各酒店shuttle bus！！
免費又方便，超好的選擇，只要出發前check清楚唔同酒店shuttle bus的路線同時間，
大部分熱門地方都可以去到
一落船，屋企人話要去漁人碼頭睇下，結果真係一個錯誤決定.......
本身都知無野睇ga la........仲要熱到爆！！！不過一場黎到，都影下相留念la........
係漁人碼頭附近的金沙城就有shuttle bus去威尼斯人，貶下眼就到
因為係漁人碼頭消耗大量體力，所以lunch就係威尼斯人food court解決
結果..........貴得黎又少choice.......如果唔係太肚餓，我都唔會係到食
最後揀左喜記雲吞麵，還好正正常常，雲吞都幾好食
醫包肚就出發去隔離的Galaxy~~~
其實行過去都可以ge，我估大約10mins la...不過威尼斯人係有shuttle bus去Galaxy的，當然係坐車
題外話，威尼斯人係有shuttle bus去官也街的，因為今次唔打算去，所以直接搵車去新馬路
要坐去新馬路，就要去Galaxy到坐shuttle bus
係賭場行左個圈後，向新馬路出發！！！不過真係好多人坐，等左幾個字先上到車.....
Shuttle Bus 落車的位置係澳門廣場對面，行返議事亭都好近，回程都係係返lee到上車
我地首先去左對面的八佰伴，目的地就係8樓的Food Court
比起威尼斯人，野食多好多，又平，都係一個唔錯選擇
由於我地之前個餐都未消化，所以只係食個甜品，休息一下
正式出發去議事亭前地........好熱好熱................
結果行左去睇蝴蝶袋，比起香港多d款，價錢就差不多，不過就行得舒服過香港
買左幾個袋之後，繼續行去大三巴
烈日當空的大三巴....................好曬呀
時間過得真快，就係要去買手信la！！！因為想買最香的杏仁餅，所以就行左去福隆新街
雖然最香餅家地點唔太就腳，但上次買過之後真係比鉅記好食好多
杏仁味香好多，肉心杏仁餅係一大推介，以後去澳門都要去最香！！！
係福隆新街一樣有鉅記，咀香園，香記，比起議事亭個邊少好多人，服務都好好多
所以我比較鐘意係lee邊買手信，可以慢慢揀，唔洗同人迫~~
買好哂之後就要去最後一站，每次必食的黃枝記！！！
好彩唔洗點等位就可以食了~~蝦子撈麵，真係好好味
食完真係好滿足^.^
一日行程即將完結，因為上一次試過6點幾去碼頭係會塞車，所以安全起見都係早d出發
返去澳門廣場坐車返Galaxy再轉車去碼頭
當然咁樣坐好似有d多餘，因為係議事亭坐巴士or的士返碼頭仲方便
不過，有時間淨，無所謂la，慳下車錢law
開心的一日澳門遊劃上完美的句號~~~~~~~
